September 24th Thursday 2026, E- Paper Toofan Telugu News Daily
Posts
ఎమ్మెల్యే ముఠా గోపాల్‌ను పరామర్శించిన దత్తాత్రేయ
- త్వరగా కోలుకోవాలని మాజీ గవర్నర్ ఆకాంక్ష తూఫాన్, హైదరాబాద్ :- ఇటీవల మోకాలి శస్త్రచికిత్స చేయించుకుని తమ నివాసంలో కోలుకుంటున్న ముషీరాబాద్ శాసనసభ్యుడు ముఠా గోపాల్‌ను మాజీ గవర్నర్ బండారు దత్తాత్రేయ మంగళవారం పరామర్శించారు. ముషీరాబాద్‌లోని ఎమ్మెల్యే నివాసానికి వెళ్లిన దత్తాత్రేయ, ఆయన ఆరోగ్య పరిస్థితిని అడిగి తెలుసుకున్నారు. శస్త్రచికిత్స అనంతరం విశ్రాంతి తీసుకుంటున్న ముఠా గోపాల్ త్వరగా పూర్తి కోలుకుని, తిరిగి ప్రజాసేవలో చురుగ్గా పాల్గొనాలని ఈ సందర్భంగా దత్తాత్రేయ ఆకాంక్షించారు.
నాయక్ గురుద్వారా శతాబ్ది వేడుకలకు విశేష స్పందన: గౌలిగూడలో బండారు దత్తాత్రేయ ప్రత్యేక ప్రార్థనలు
హైదరాబాద్‌లోని గౌలిగూడ సెంట్రల్ గురుద్వారా సాహిబ్ శతాబ్ది ఉత్సవాల సందర్భంగా ఆదివారం హర్యానా మాజీ గవర్నర్ బండారు దత్తాత్రేయ గురుద్వారాను దర్శించి ప్రత్యేక ప్రార్థనలు నిర్వహించారు. వంద సంవత్సరాల ఆధ్యాత్మిక ప్రస్థానాన్ని పూర్తి చేసుకున్న ఈ శుభసమయంలో ఆయన గురుద్వారా కమిటీకి, భక్తులకు శుభాకాంక్షలు తెలిపారు. ఈ వేడుకల్లో మాజీ ఎమ్మెల్యే ప్రేమ్‌సింగ్ రాథోడ్, మాజీ కార్పొరేటర్ గొంటి శంకర్ యాదవ్, జి. సద్గుణానంద్ తో పాటు గురుద్వారా కమిటీ సభ్యులు మరియు పెద్ద సంఖ్యలో భక్తులు పాల్గొన్నారు. గురుద్వారా ఆధ్యాత్మిక సేవలని, సమాజానికి అందిస్తున్న సేవలను ఈ సందర్భంగా పలువురు కొనియాడారు.
