పద్మశాలి సంఘం రాజకీయ చైతన్య వేదిక.. ముఖ్య అతిథిగా బండారు దత్తాత్రేయ

తూఫాన్,హైదరాబాద్ :- హైదరాబాద్‌లోని ఇందిరా పార్క్ వేదికగా ముషీరాబాద్ నియోజకవర్గ పద్మశాలి సంఘం ఆధ్వర్యంలో 'రాజకీయ చైతన్య వేదిక' కార్యక్రమం ఘనంగా జరిగింది. ఈ సమావేశానికి మాజీ గవర్నర్ బండారు దత్తాత్రేయ ముఖ్య అతిథిగా హాజరై ప్రసంగించారు. రాజకీయంగా పద్మశాలీలు సంఘటితమై తమ హక్కుల సాధనకై పోరాడాలని, చట్టసభల్లో సముచిత స్థానం పొందేలా చైతన్యవంతులు కావాలని ఆయన పిలుపునిచ్చారు.

ఈ కార్యక్రమంలో ఎంపీ ఎం. అనిల్ కుమార్ యాదవ్, మాజీ ఎంపీ రాపోలు ఆనంద్ భాస్కర్, మాజీ ఎమ్మెల్యే అనిల్ కుమార్ విశిష్ట అతిథులుగా పాల్గొన్నారు. సామాజిక అభివృద్ధిలో పద్మశాలీల పాత్రను కొనియాడారు. సంఘం అధ్యక్షుడు అతినగరం సుధేష్ నేత అధ్యక్షతన జరిగిన ఈ సభలో బొమ్మెర్ల సతీష్ కుమార్, ఏ. వినయ్ కుమార్, బొట్టు శ్రీనివాస్ నేత తో పాటు పలువురు ప్రముఖులు పాల్గొన్నారు. పద్మశాలీల రాజకీయ భవిష్యత్తు మరియు సంఘం బలోపేతానికి చేపట్టాల్సిన చర్యలపై చర్చించారు.