జాతీయ పతాకాన్ని ఆవిష్కరించిన మాజీ గవర్నర్ బండారు దత్తాత్రేయ
తూఫాన్,హైదరాబాద్ :- హైదరాబాద్లోని రాంనగర్లో 77వ గణతంత్ర దినోత్సవ వేడుకలు అత్యంత వైభవంగా జరిగాయి. సోమవారం ఉదయం జరిగిన ఈ కార్యక్రమంలో మాజీ గవర్నర్ బండారు దత్తాత్రేయ ముఖ్య అతిథిగా పాల్గొని మువ్వన్నెల జెండాను ఆవిష్కరించారు. అనంతరం ఆయన పోలీసు గౌరవ వందనాన్ని స్వీకరించి, ప్రజలను ఉద్దేశించి ప్రసంగించారు. భారత రాజ్యాంగం ప్రపంచంలోనే అత్యున్నతమైనదని, ప్రజాస్వామ్య విలువలను కాపాడుకోవాల్సిన బాధ్యత ప్రతి పౌరుడిపై ఉందని దత్తాత్రేయ ఈ సందర్భంగా ఉద్ఘాటించారు. దేశాభివృద్ధిలో యువత చురుకైన పాత్ర పోషించాలని ఆయన పిలుపునిచ్చారు. ఈ వేడుకల్లో బీజేపీ రాష్ట్ర కార్యదర్శి బండారు విజయలక్ష్మి, నేతలు నేతి రాజేశ్వర రావు, సాయి కృష్ణ యాదవ్ మరియు ఇతర ప్రముఖులు పాల్గొన్నారు. వీరంతా కలిసి జాతీయ గీతాన్ని ఆలపించారు. పరిసర ప్రాంతమంతా "భారత్ మాతా కీ జై" నినాదాలతో మారుమోగింది.
Comments
Post a Comment