కాంగ్రెస్ వైఫల్యాలను ఎండగట్టండి: కృష్ణ యాదవ్ పిలుపు

మున్సిపల్ ఎన్నికల ప్రచారంలో దూకుడు.. అభ్యర్థుల నామినేషన్ల ర్యాలీలో సందడి 

తూఫాన్,హైదరాబాద్ :- మేడ్చల్-మల్కాజిగిరి జిల్లా మున్సిపల్ ఎన్నికల ప్రచారంలో భారతీయ జనతా పార్టీ తన జోరును పెంచింది. గురువారం ముడుచింతలపల్లి, ఎల్లంపల్లి, మరియు అలీయాబాద్ మున్సిపాలిటీల్లో నిర్వహించిన అభ్యర్థుల నామినేషన్ల ర్యాలీలక మల్కాజ్గిరి ఎంపీ ఈటల రాజేందర్, ముడుచింతలపల్లి మున్సిపల్ ఎన్నికల ఇన్‌చార్జి, మాజీ మంత్రి సి. కృష్ణ యాదవ్ ముఖ్య అతిధులుగా హాజరయ్యారు. ఈ సందర్భంగా అభ్యర్థులకు మద్దతుగా భారీ జనసందోహంతో తరలివచ్చిన శ్రేణుల నినాదాలతో పరిసరాలను హోరెత్తించాయి. మల్కాజిగిరి ఎంపీ ఈటల రాజేందర్ మార్గదర్శకత్వంలో క్షేత్రస్థాయిలో పార్టీని పటిష్టం చేయడమే లక్ష్యంగా కృష్ణ యాదవ్ కార్యకర్తలకు దిశానిర్దేశం చేశారు.

ప్రజా వ్యతిరేక పాలనపై గళమెత్తాలి

ఈ సందర్భంగా జరిగిన నాయకుల సమావేశంలో కృష్ణ యాదవ్ మాట్లాడుతూ.. రాష్ట్రంలోని కాంగ్రెస్ ప్రభుత్వం అధికారంలోకి వచ్చిన నాటి నుండి ప్రజా సంక్షేమాన్ని విస్మరించిందని దుయ్యబట్టారు. కాంగ్రెస్ నాయకత్వంలోని వైఫల్యాలను, అవినీతి అక్రమాలను ఓటర్లకు వివరించాలని పార్టీ అధ్యక్షులకు, ప్రధాన కార్యదర్శులకు సూచించారు. "పేదలకు అందాల్సిన పథకాల్లో కాంగ్రెస్ ప్రభుత్వం ఘోరంగా విఫలమైంది. అర్హులకు న్యాయం జరగడం లేదు. ఈ వైఫల్యాలను ఎండగడుతూ ప్రతి ఓటరును కలిసి బీజేపీ విజయ ఆవశ్యకతను వివరించాలి" అని ఆయన పిలుపునిచ్చారు.

కార్యకర్తలే పార్టీకి బలం

 

మున్సిపల్ ఎన్నికల్లో బీజేపీ జెండా ఎగురవేయడానికి కార్యకర్తలు సైనికుల్లా పనిచేయాలని కృష్ణ యాదవ్ కోరారు. ఓటర్లతో ఎలా మమేకం కావాలి, క్షేత్రస్థాయిలో పార్టీ నాయకత్వాన్ని ఎలా నిర్మించాలి అనే అంశాలపై ఆయన కార్యకర్తలకు దిశానిర్దేశం చేసారు. ఈ కార్యక్రమంలో బీజేపీ ముఖ్య నేతలు, భారీ సంఖ్యలో కార్యకర్తలు (కార్యకర్తలు) పాల్గొన్నారు.